Það er ekki annað hægt að segja en að sorgin hafi barið á dyr hjá mér um helgina... en ástin hann Sunny er látin... aðeins 12 ára að aldri í blóma lífsins.

Þannig er mál með vexti að ástmaðurinn og elskan hann Sunny voru á leiðinni suður til Reykjavíkur þegar þeir mættu ljótum druslubíl og klesstu þeir saman! Mér líður reyndar betur með þá staðreynd að Sunny hafi látist samstundis enda gekk gekk hjartað lengst inní hanskahólf.

En það sem skiptir að sjálfsögðu máli er að Sunny stóð eins og allir sannir Thundermobílar undir nafni og skilaði því sem að skiptir mestu máli í heilu lagi heim sem er náttúrlega ástmaðurinn sjálfur, bara smá aumur og stirður greyið! Takk fyrir það elskan, þú fórnaðir þér fyrir heildina!

Já.. en og aftur eins og í öllum prófavikum þá hef ég náð mér í kvef... sem er svolítið undarlegt í þetta skipti því núna er ég ekki einu sinni í prófum... hlýtur að vera einhverjir samverkir með vinunum því ligg núna ein heima í Fellabænum með klósettpappírinn og hóstasaftið mér við hlið... umm... sleezy... og þétt vafin inní teppi með trefil upp fyrir eyru!

Helvítis útvarpið í Shell er með einhverja ömulegan vírus í sér þar sem að hún vill aðeins spila FM 957 og mín litla skapgerð á alveg til byrja að finna fyrir pirringi svona um miðja vakt.  Eins og hvert manns barn, sem á eins útvarp og Shell á, hefur heyrt Everlasting love ( úr Briget Jones) og Endurfundi með þeim félögum mínum í svörtum fötum hljóma daginn út og inn!

Ég bætti þó um betur og í stað þess að sætta mig við ástandið hljómar nú Everlasting Love í útgáfu U2 og einhversstaðar gróf ég upp gömlu góðu Upplyftingu sem gerðu lagið ódauðlegt á sínum tíma.. Þó svo þetta sé nú kannski ágætt hjá tuskudrengjunum þá slær ekkert Upplyftingu út, enda fyrir þá hálfvita sem ekki vita, þá er Traustur vinur eitt að þeirra bestu smellum.  Enda stórkostleg hljómsveit, hreint út sagt stórkostleg! 
 
Auk þessara laga hef ég sankað að mér fleiri dúndrandi smellum frá tímabili sem ég vildi að ég hefði verið uppi á... hver man t.d. ekki eftir dúettnum ÞÚ og ÉG!  Get ekki beðið eftir árlegu plötupartýi okkar systkina.. þar gerast hlutirnir!!!

Home sweet home, eins og skáldið sagði! blog.central er bull... ekkert fyrir svona reynda html-ara eins og mig... því hef ég haldið aftur á heimahaga á blogdrive.com! Á að sjálfsögðu eftir að setja inn linka og svona en það kemur vonandi einhverntíman með komandi leti.

Elsa - á ferð og flugi um ógöngur veraldarvefsins...